Onsdag 3 September

"So sulla ho mor....."

Den kulturelle spaserstokken: Allsongstund med Kjersti Møllerup Wiik

Kjersti Møllerup Wiik (song) og Glenn Sørskår (trekkspel) kjem på besøk med barnesongar og folkesongar frå Barnesongboka, som Wiik nyleg har laga saman med Linda Røyseth Sandhåland. 

Publikum får læra songar og høyra historier om song, liv og strev i vår region opp gjennom åra. Dei gamle songane og kulturarven har forma vår identitet, språkkunnskap og historie. 

Songane er tilgjengelege for alle på nettstaden https://www.strilakultur.no/barnesongboka 

Songstundene er ein del av Den kulturelle spaserstokken, ei nasjonal satsing som skal bidra til kunst- og kulturformidling av høg kvalitet for eldre på arenaer dei held til i dagleglivet. Støtta av Vestland fylkeskommune.