Fredag 4 April

Lokalkulturaften på Vardegard

For å forstå kvar me skal, må me vita kvar me kjem frå. Me inviterer til ein kulturkveld der me lærer om lokale folkemusikktradisjonar og folketru – og me inviterer til felles samtale om korleis me kan føra tradisjonane vidare. Med oss på scena denne kvelden har me: Kjersti Møllerup Wiik: Folkesongar, klassisk songar og songpedagog frå Vik i Lindås. Ho har gjort eit enormt arbeid med å samla inn, dokumentera og vidareformidla folkesongtradisjonane frå kysttraktene rundt Bergen. Linda Røyseth Sandhåland: Folkesongar og etnomusikolog frå Rossland, rett på andre sida av Eldsfjellet. Linda har saman med Kjersti Wiik laga "Barnesongboka"; ein gratis digital nettressurs med lokale barnesongar frå alle Strilekommunar: https://www.strilakultur.no/ Lovise Espeland: Folkesongar og musikar med gard på Seim. Lovise representerer ein ny generasjon nysgjerrige folkemusikarar og tradisjonsberarar. Kjersti Isdal: Kunstnar, grafisk designar og naturforvaltar frå Isdal som har gitt ut boka “Segner frå Nordhordaland: mystiske vette og kulturhistorisk magi”. Johanna Seim: Huset sin eigen hardingfelespelar og folkedansar. Program: 19 dørene opnar 20 foredrag med musikkinnslag 21 spørsmål og samtalerunde med publikum 21:30 felles folkedans (med instruksjon i Vestlandspringar) baren held ope til 23:30 Arrangementet er støtta av Alver Kommune. Meir info: www.vardegard.no