-
Meld inn arrangement til Nynorskdagane
Nynorskdagane 2026 går av stabelen 28. oktober – 1. november 2026. Vil de bidra med eit arrangement, eit prosjekt eller ein aktivitet? Meld inn via skjemaet under! Meld også inn arrangement mellom 24. og 27. oktober, så utvidar me festivalen om naudsynt.
Meld inn arrangement til Nynorskdagane
Nynorskdagane 2026 går av stabelen 28. oktober – 1. november 2026. Vil de bidra med eit arrangement, eit prosjekt eller ein aktivitet? Meld inn via skjemaet under! Meld også inn arrangement mellom 24. og 27. oktober, så utvidar me festivalen om naudsynt.Kvifor vera med?
Nynorskdagane er ein festival som feirar språk, kultur og identitet – og som løftar fram kulturlivet i Alver; kor, korps, band, ungdoms- og bygdelag, sogelag, mållag, skular, kunstnarar, friluftsorganisasjonar, kunstlag, næringsliv, og alle andre som har lyst å bidra!
Døme på arrangement som passar inn:
Konsertar, med for eksempel tonesett lyrikk på nynorsk, eller artist som syng på dialekt
Revy eller stand-up på nynorsk eller lokal dialekt
Samarbeid mellom musikarar og forfattarar
Nynorsk pub med kviss, allsong eller open mikrofon
Litteraturkafé
Kunstutstillingar og verkstadar
Språkleikar, konkurransar eller rebusløp for heile familien
Verkstadar for ungdom (songskriving, forteljing, rap, improvisasjon)
Lista er ikkje uttømmande, berre til hjelp for å setja fantasien i sving!
Dette tilbyr me
Plass i det offisielle festivalprogrammet
Felles marknadsføring
Hjelp til å finne samarbeidspartnarar og utvikle arrangement
Støtte til søknadsskriving, viss de vil søkja eksterne midlar
Gratis bruk av kulturlokale til framføringar (Meieriet Frekhaug og kultursalen på Manger), så langt kapasiteten rekk.
Moglegheit for underskotsgaranti, etter vurdering
Små støttesummar til heilt konkrete kostnader, etter vurdering
Biletet er frå førestillinga «Me reise te Junaiten,» som Alverrevyen framførte på Samfunnshuset Skogen Sletta under Nynorskdagane 2025. Arrangementet var eit samarbeid mellom Utvandringssenterets venner, Alverrevyen og lokale revygrupper. Kommunen stilte underskotsgaranti (etter søknad), men førestillingane var godt besøkte, og prosjektet fekk overskot. Foto: Eileen Feste
Del på:
Annen informasjon